महत्त्वपूर्ण सूचनाहरु :
रत्ननगर खानेपानी तथा सरसफाई उपभोक्ता संस्था (RWUSC)
नेपालको मध्य भुभाग, उर्वर भुमि, पूर्व पश्चिम राजमार्ग अन्र्तगत पर्ने चितवन जिल्लाको रत्ननगर नगरपालिकामा रहेको यस रत्ननगर खानेपानी तथा सरसफाई उपभोक्ता संस्था (RWUSC) को गठन वि. सं २०५८ सालमा भएको हो ।
रत्ननगर नगरपालिकाको अधिकांश वडा लगायत सिमाना जोडिएका नगरपालिकाका वडा क्षेत्रहरुमा शुद्ध, सफा र स्वच्छ खानेपानीको टडकारो आवश्यकतालाई परिपुर्ति गर्ने पवित्र उद्देश्यले तत्कालीन स्थानिय निकाय नगरपालिकाको पहल, यस क्षेत्रका जागरुक उपभोक्ताहरु एवं उपभोक्ता समितिको अथक परिश्रमको फलस्वरुप नेपाल सरकार खानेपानी तथा ढलनिकास विभाग, आयोजना व्यवस्थापन कार्यलय, एसियाली विकास बैँक एवं उपभोक्ता संस्थाको सह लगानीमा यस योजनाको सुरुवात भएको हो । नेपाल सरकारको साना शहरी खानेपानी आयोजनाको प्रावधान अनुसार उपभोक्ता संस्थाको २० % ( ५ % नगद र १५ % जनश्रम) नगर विकास कोषमार्फत ३० % ऋण लगानी र वाँकी ५० % रकम एसियाली विकास बैँकको ऋण सहयोगमा नेपाल सरकारले व्यहोर्ने गरी निर्माण भएको यस आयोजनामा उपभोक्ता संस्थाको ५० % लगानी रहेको छ । वि. सं. २०५९ सालबाट निर्माण कार्य शुरु भई वि.सं. २०६४ पौष महिनाबाट पानी वितरण कार्य लगातार सञ्चालन भई रहेको छ साथै यसको निर्माण कार्य लामा.सन्तोषि. तुन्डी जे.भी बाट सम्पन्न भएको हो ।
यस रत्ननगर खानेपानी तथा सरसफाई उपभोक्ता संस्था अन्र्तगत नगरपालिकाका साबिक वडाहरु ( १ देखि १३ ) लगायत छिमेकी र.न.पा. १४ को केही भाग र कालिका नगरपालिकाका केही वडाहरुको केही भुभागहरुमा यस संस्थाले पानी वितरण कार्य गर्दै आएको छ । योजनाको सुरुवातमा जम्मा २७६३ घरधुरीहरुमा पानी वितरण भएको थियो भने हाल २०८० माघ मसान्तसम्म १३५३८ घरधुरीहरुमा धारा जडान भई पानी वितरण कार्य भइरहेको छ ।
पुरा पढ्नुहोस्
0 +
धाराहरु जडान
0 +
देखी शुद्ध खानेपानी सेवामा
0 +
उपभोक्ताहरु
पदाधिकारीहरु तथा कार्यसमिति
उपभोक्ताहरुका लागि जानकारीमुलक सामाग्रीहरु
उपभोक्ताहरुलाई जानकारी
१. पानी महशुल र अन्य महशुलहरु आईतबारदेखि शुक्रबारसम्म विदाको दिन बाहेक बुझाउन सकिनेछ । साथै E-Sewa, IME PAY र खल्ती एप बाट २४ सैं घण्टा बुझाउन सकिनेछ ।
२. महशुल आइतबारदेखि बिहिबारसम्म कार्यालय समय ९:३० बजेदेखि दिउँसो ३ बजे र शुक्रबार ९:३० बजेदेखि दिउँसो १:०० बजेसम्म मात्र बुझाउन सकिनेछ ।
३. मिटर रिडिङ्ग भएको मितिले ७ दिनभित्र महशुल बुझाएमा ३ प्रतिशतछुट दिइने छ तर अघिल्लो महिनाको महशुल नबुझाई जरिवाना लागेमा छुट पाइने छैन।
४. सो पछि रिडिङ्ग भएको महिनाभर बिल अनुसारको महशुल लाग्ने छ ।
५. रिडिङ्ग भएको दोस्रो महिनासम्म महशुल रकम नबुझाएमा ५% थप शुल्क लाग्ने छ ।
८. उपभोक्ताले लगातार ३ महिनासम्म र रु १,२००।- सम्म महशुल नबुझाएमा कुनै पनि बेला बिना सूचना धाराको लाईन काटिनेछ । पुनः जडानको लागि जडान शुल्क १,२००।- लाग्ने छ ।
९. संस्थाको अनुमती बिना पाईप लाईनहरुमा होल गरेमा संस्थाको नियमानुसार जरिवाना लाग्ने छ।
१०. उपभोक्ताले आफ्नो मिटर सुरक्षाको लागि मिटर चेम्बर अनिवार्य बनाउनु पर्नेछ र मिटर विगार्ने चेष्टा गरेको पाइएमा धाराको कनेक्सन काटी नियम, कानून बमोजिमको कार्वाही गरिने छ ।
११. घर खरिद गर्दा पानी महशुल चुक्ता भए नभएको हेर्नु होला अन्यथा खरिदकर्ताले नै बाँकी महशुल बुझाउनु पर्नेछ ।
१२. कुकुर पाल्नुहुने उपभोक्ताहरुले मिटर रिडिङ्ग हुने दिनमा कुकुर बाँधी दिनुहोला ।
१३. महशुल सम्बन्धी अन्य कुरा बुझ्नु परेमा लेखा शाखामा सम्पर्क राख्नुहोला ।
१४. पानी कुनै किसिमले दुरुपयोग गरेको थाहा पाई संस्थालाई जानकारी गराएमा उचित पुरस्कार दिईने छ ।
१५. पानी वितरण सम्बन्धी कुनै समस्या एवं पानी दुरुपयोग तथा लिकेज भएमा तुरुन्त कार्यालयमा खबर गर्नुहोला ।
धारा जडान गर्न आवश्यक कागजातहरुः
१. सम्बन्धित जग्गाधनिको नागरिकताको प्रतिलिपी – १ थान
२. जग्गाधनी प्रमाण पुर्जाको फोटोकपी – १ थान
३. सम्पत्तिकर तिरेको रसिदको फोटोकपी – १ थान
४. नगरपालिका वडा कार्यालयको सिफारिस – १ थान
५. पासपोर्ट साइजको फोटो – १ थान
६. खानेपानी वडा संयोजकको सिफारिस – १ थान
७. नक्सा पासको प्रतिलिपी – १ थान
८. भुमिहिनको हकमा खानेपानी वडा संयोजक र नगरपालिका वडा कार्यालयबाट
तिन पुस्ता खुल्नेगरी भुमिहिन भएको प्रमाण सिफारिस ।
